ئەمریکا پشتگریا ئاساییکرن و ئارامیا شنگالێ دکە

 بالیۆزا ئامەریکایێ یا ل ئیراقێ ئالنا رۆمانۆوسک ل گەل شاندەکێ جڤاکا ئێزدی جڤیا و پشتگریا خوە ژ بۆ ئاساییکرنا رەوشا شنگالێ و ئارامیا ھەرێمێ نیشان دا.

ئالینا رۆمانۆفسکی ل ھەژمارا خوەیا تۆرا جڤاکی “X” نڤیسی: “ئەز شانازیێ ب ڤێ جڤینا گرینگا بەری نێزیکبوونا دەھەمین سالڤەگەرا جینۆسیدا ئێزدیان دکم. ئەز ل بەندێ مە کو لگەل ھەڤکارێن خوەیێن ئیراقی کار ژ بۆ بیرئانینا ڤێ بۆنەیێ بکم و پشتگرییا کەسێن رزگاربوویی بکم دا کو تاوانێن وھا جارەکا دن دوبارە نەبن.

بالیۆزخانەیا ئامەریکایێ ھەروھا ئەشکەرە کر، ئالینا رۆمانۆفسکی پشتگیریا وەلاتێ خوە بۆ شاندا ئێزدی نیشان دا، ژ بۆ چارەسەریەکا ریشەیی و دەمدرێژ ژ بۆی پرسا پەنابەرێن شنگالێ و ئارامیا وی باژارۆکی.

رۆژا 9 جۆتمەھا 2020 د بن چاڤدێریا سەرۆکوەزیرێ بەرێ یێ ئیراقێ مستەفا کازمی دە، ل بەغدایێ رێکەفتنا شنگالێ د ناڤبەرا حکوومەتا ئیراقێ و حکوومەتا ھەرێما کوردستانێ دە ھاتبوو ئیمزەکرن.

1- ھلبژارتنا قایمەقامێ نوو.

2- حکوومەتا فەدەرال پرسا ئەولەھیێ ئیدارە دکە.

3- ئەرکدارکرنا 2500 کەسان ژ خەلکێ شنگالێ و ئاوارەیێن وێ و دروستکرنا ھێزەکا نوو.

4- بداویانینا پەکەکێ ل شنگالێ و ھەموو وان گرۆپێن کو پەیوەندیا وان پێ ھەیی.

5- چ کەسەکی سەر ب پەکەکێ نابە د وێ ھێزا نوو دە بهێت ئەرکدارکرن.

6- ھەولێر و بەغدا ھەماھەنگیێ ژ بۆ ئاڤاکرنا شنگالێ و ئیدارەکرنا وێ بکن.

پشتی 3 سال و شەش مەھان ژ رێکەفتنێ، ھەتا نھا حکوومەتا ئیراقێ چ خالێن رێکەفتنێ جێبەجێ نەکرینە. ل شوونا وێ، وەزارەتا کۆچ و کۆچبەران یا ئیراقێ و وەزارەتا پەروەردەیا ئیراقێ ب گرتنا کامپ و دبستانێن ل ھەرێما کوردستانێ، ھەول ددن کۆچبەران نەچار بکن کو ڤەگەرن سەر جھ و وارێن خوە.