ئیرۆ 04/03/2024ێ سەرۆکوەزیرێ ئیراقێ محه‌مه‌د شیاع سوودانی ب سەرۆکاتیا شاندەیەکی حكوومه‌تا ئیراقێ گەهەشتە شنگالێ و پارلامەنتەرەک ژی دبێژە: ‘ل گەل سوودانی گۆتووبێژا رەوشا شنگالێ مە کر و پێویستە رێکەفتنا شنگالێ بێ جیهبجیهکرن.
ئەندامێ ئەنجوومەنا نوونەرێن ئیراقێ مەحما خەلیل راگەهاند، ژ بۆ جارا یەکەم سوودانی سەردانا شنگالێ کر و د ڤێ سەردانێ دە مە ژ سوودانی رە گۆت، پێویستە شنگال بێ ئاڤا کرن و هەروه‌ها رێکەفتنا شنگالێ یا ژ بۆ ئاساییکرنا رەوشا شنگالێ کو د ناڤبەرا حكوومه‌تا ئیراق و هەرێما کوردستانێ دە هاتیە کرن، بێ جیهبجیهـ کرن.
هەروه‌ها گۆت، د جڤینا مە یا ل گەل سوودانی دە مە به‌حسا وێ یەکێ ژی کر کو پێویستە حكوومه‌تا ئیراقێ خەلکێ شنگالێ قەرەبوو بکە و هەرواها کار بێ کرن کو کۆچبەر ڤەگەرن سەر ئاخا خوە و پشتی ئەو کارەساتێن ب سەرێ شنگالێ و شنگالیان هاتنە پێویستە شنگال بێ ئاڤاکرن و ئیدارەیەکی نوو پشتی هەلبژارتنێن ئەنجوومەنا پارێزگەهان ل شنگالێ پێکبێ.
