سەرۆک بارزانی ب هەلکەفتا هاتنا سەرهلدانا گەلێ کوردستانێ پیرۆزباهی ل مالباتێن شەهیدان، پێشمەرگە و تەڤاهیا گەلێ کوردستانێ کر و راگهاند، «دڤێ دەستکەفتی، ئارمانج و نرخێن سەرهلدانێ بلند بمینن، بێن پاراستن و خورتکرن. دڤێ د بن تو شەرت و مەرجان دە و د بن تو زەختان دە نەیێن ژبیرکرن و نەیێن خەراکرن».
د په‌یاما سه‌رۆك بارزانی ده هات گۆتن: «سەرهلدان درێژه‌پێدانا تێکۆشینا ب دەهان سالان و بەرهەما بەرخوەدان، کەد و خوینا گەلێ کورد و هێزێن تێکۆشەر بوو. د ژیانا گەلێ مە دە بوو دەستپێکەک نوو و هێڤیەک نوو. سەرهلدانا گەلا ل دژی سازیێن مێتینگەر و داگیرکەر پەیامەکە پر زەلال بوو کو تەڤی هێزا داگیرکەران ژی ئیرادەیا سەربلند و ئازادیخوازیێ هەرتم د ناخێ مرۆڤێ كوردستانی ده هه‌بوویه و دێ بمینه».
تەکستا پەیامێ ئەڤە:
پەیاما سەرۆک بارزانی ب بۆنەیا سەرهلدانێ
ب ناڤێ خوەدایێ مه‌زن و دلۆڤان
ب هەلکەفتا 33 سالیا سەرهلدانا گەلێ کوردستانێ، پیرۆزباهیێ ل مالباتێن سەربلندێن شەهیدان، پێشمەرگەیێن قەهرەمان، هەموو وەلاتپارێز، تێکۆشەر و ئازادیخواز و هەموو گەلێ کوردستانێ دکم.
سەرهلدان درێژه‌پێدانا تێکۆشینا ب دەهان سالان و بەرهەما بەرخوەدان، کەد و خوینا گرسەیێن کوردستانێ و هێزێن تێکۆشەر بوو و بوو دەستپێکەک نوو و هێڤیەک نوو د ژیانا گەلێ مە دە. سەرهلدانا گەلا ل دژی سازیێن مێتینگەر و داگیرکەر پەیامەک پر زەلال بوو کو تەڤی هێزا داگیرکەران ژی ئیرادەیا سەربلند و ئازادیخوازیێ هەرتم د ناخێ مرۆڤێ كوردستانی ده هه‌بوویه و دێ بمینه».
دەستکەفتیێن سەرهلدانێ یێن گەلێ کورد و نفشێن پاشەرۆژێ نە. ب بۆنەیا سەرهلدانا گەلێ کورد ئەم تەکەز دکن کو دڤێ دەستکەفتی، ئارمانج و نرخێن سەرهلدانێ بلند بمینن، بێن پاراستن و بهێزکرن. دڤێ د بن تو شەرت و مەرجان دە و د بن تو زەختان دە نەیێن ژبیرکرن و نەیێن خەراکرن.
سلاڤ ل گیانێ شەهیدێن سەرهلدانێ
و هەموو شەهیدێن تەڤگەرا رزگاریخوازا کوردستانێ
مەسعوود بارزانی
5ێ ئادارا 2024ێ
