ترکیەیێ و گرووپێن خوە یێن چەکدار ئێرشی چار گوندێن عه‌فرینا رۆژئاڤایێ کوردستانێ کر.
ترکیەیێ گرووپێن چەکدارێن ب سەر وێ ڤە، ئیرۆ گوندێن مەدیونە، دێرقاق، خەرابشە و تل عینابێ یێن قەزایا شەهبایێ یا عه‌فرینێ تۆپباران کرن.
هەتا نها ل سەر زیانێن ئێرشێ ت داخویانی نەهاتیە دایین.
ترکیەیێ دۆهـ ژی گوندێ دەندەنەیێ یێ منبجێ بۆمبەباران کر و خسار گهاند خانیێن سڤیلان.
ترکیەیێ ب پشتگریا چەکدارێن مخالەفەتا سووریەیێ 20ێ کانوونا پاشینا 2018ان ئێرشی عه‌فرینێ کر. شەر و پەڤچوونان 58 رۆژان ئاژۆت لێ ترکیەیێ و گرووپێن چەکدار عه‌فرین داگیر کر.
د ڤان 6 سالان دە ل عه‌فرینێ بنپێکرنێن زێدە مەزن یێن وەکی تالانکرن، کوشتن و گوهەرتنا دەمۆگرافیێ ژ ئالیێ گرووپێن چەکدارێن سەر ب ترکیەیێ ڤە هاتن کرن.
د ئەنجاما ئێرشێن گران و داگیرکرنێ دە ب سەد هەزاران کورد ژ مال و ملکێن خوە بوون و کەتن سەر رێ و دربێن کۆچبەریێ.
تەڤی کو نەتەوەیێن یەکبوویی، رێخستنێن پێوەندیدار و ئالیێن سیاسی یێن کورد ڤێ داگیرکەریێ پرۆتەستۆ دکن ژی داگیرکەری و تاوانێن هۆڤانەیێن ل دژی کوردێن عه‌فرینێ بەردەوام دکن.
