ل رحایا باکورێ کوردستانێ د ناڤبەرا دو گرۆپان دە شەر و پەڤچوونا ب کێران پێکھات و د ئەنجامێ دە کەسێ ب ناڤێ ئەبوزەر ئۆلمەزێ 27 سالی ژیانا خوە ژ دەست دا، 5 کەسێن تێکەلی بوویەرێ بوونە ژی ھاتن گرتن.
بوویەر شەڤا بۆری 5/3/2024 ل تاخا ئەیوبیە پێکھات. ل گۆر چاپەمەنیا ترکیێ راگەھاندیە، د ناڤبەرا دو گرۆپان دە ژ بەر سەدەمەکی نەدیار نیقاش دەرکەت و دەمەکی کورت دە ئەو نیقاش وەگەریا شەر و پەڤچوونا ب کێران.
ھەروھا ل گۆر ھەمان چاڤکانیێن چاپەمەنیا ترکیێ د ئەنجاما شەر و پەڤچوونێ دە کەسێ ب ناڤێ ئەبوزەر ئۆلمەز ژ چەند جیھێن بەدەنا خوە ھاتە کێرکرن و د ناڤ خوینێ دە ما. ل سەر ئاگاھداریێ تیمێن تەندورستیێ گەھەشتن جیھێ بوویەرێ و ئەبوزەر ئۆلمەز ژ بۆ نەخوەشخانەیێ ھاتە ڤەگوھەستن، لێ ل گەل ھەموو ھەولدانان ژی نەھاتە رزگارکرن.
ھات راگەھاندن 5 کەسێن کو ژ جیھێ بوویەرێ رەڤیان، ژ ئالیێ پۆلیسان ڤە ھاتن گرتن و لێکۆلینا دەربارێ بوویەرێ دە بەردەوام دکە.
