بەرپرسێ چالاکیێن پارتیا کارکەرێن کوردستانێ «پەکەکێ» حوسنو کومەک ل پارێزگەھا سلێمانیێ د ئەنجاما “ئۆپەراسیۆنا ئارتێشا ترکیێ” دە ھات کوشتن.
ئاژانسا فەرمی یا دەولەتا ترکیێ ئانادۆلویێ راگەھاند، پشتی کو سازیا ئیستیخباراتا میلی یا ترکیێ “میتێ” ئاگاھیێن ئیستیخباراتێ ل سەر جھێ حوسنو کومەک کۆم کرین، د ئۆپەراسیۆنەکا تایبەت دە ل باژارێ سلێمانیێ ئەو کوشتیە.
حوسنو کومەک پێش نها پاسەوانێ تایبەت یێ ھەڤسەرۆکێ پەکەکێ جەمیل بایک بوو، لێ د ڤان دەمێن داوی دە ل سلێمانیێ مژوولی چالاکیێن نهێنی بوو.
ئەڤ د دەمەکی دە یە کو دو رۆژان پێش نها ژی میتێ کوشتنا بەرپرسا پەکەکێ/کەجەکێ یا رێخستنا جوانان «گولسون سلگر» ژی ل سلێمانیێ راگهاندبوو، و هەیا نها پەکەکێ ت داخویانی د دەربارا کوشتنا ڤان دو بەرپرسێن خوە پارڤە نەکرینە.
