دو کۆلبەرێن کو ل سینۆرێ باژارێ بانەیا رۆژھلاتێ کوردستانێ کۆلبەری دکرن، ب گولـلەیێن راستەراستێن ھێزێن ئەولەھیا ئیرانێ ھاتن بریندارکرن.
ل گۆر زانیاریان شەڤا بۆری د ئەنجاما گولـلەبەردانا راستەراستا ھێزێن ئیرانێ ل سەر ھەژمارەک کۆلبەرێن ل سینۆرێ ھەنگەژالا باژارێ بانە، 2 کۆلبەر بریندار بوون.
ھەتا نھا ناسنامەیا یەک ژ وان ھەردو کۆلبەران ئاشکەرا بوویە کو ناڤێ وی فەخرەدین یوسفی یە و ناسنامەیا کۆلبەرێ دن ھین نەدیارە.
کۆمەلەیا مافێ مرۆڤان یا ھەنگاو د ڤێ دەربارێ دە راگەھاند، ئەو دو کۆلبەر د لنگێن خوە دە بریندار بوونە و ژ بۆ نەخوەشخانەیا سەلاحەدین ئەیوبی یا باژارێ بانە ھاتنە ڤەگوھەستن و پشترە فەخرەدین یوسفی ژ بەر کو برینا وی گرانبوویە ژ بۆ نەخوەشخانەیا تالقانی یا باژارێ کرماشانێ ھاتیە ڤەگوھەستن.
