ل گۆری راپۆرا 2 رێخستنێن سڤیل کو رۆژا سێشەمێ هات وەشاندن، ئیرانێ د سالا 2023ان دە جەزایێ ئیدامێ ل 834 کەسان پێک ئانینە، کو ئەڤ هەژمارا هەری زێدە ژ سالا 2015ان ڤر ڤەیە.
هەژمارا جەزایێن دارڤەکرنێ ل ئیرانێ ب همبه‌ر كرن ل گه‌ل سالا 2022ان ژ سەدی 43 زێدە بوویە.
ل گۆر راپۆرا سازیا «مافێن مرۆڤ ل ئیرانێ» كو ناڤەندا وێ ل نۆروێجێ یە و هەڤپەیمانیا جیهانی یا ل دژی جەزایێ بدارڤەکرنێ کو ناڤەندا وێ ل پاریسێ یە، پشتی کو د سالا 2015ان دە 972 حوکمێن بدارڤەکرنێ ل ئیرانێ هاتنە بدارڤەکرن، ئەڤ تەنێ جارا دویەمینە د زێدەتر ژ دو دەهسالان دە کو زێدەتر ژ 800 کەسان د ئیرانێ دە تێن بدارڤەکرن.
هەر دو رێخستنان ئیران تاوانبار کرن کو جەزایێ ئیدامێ وەک ناڤگینەک بەلاڤکرنا ترسێ بکار تینە پشتی، تایبه‌ت پشتی خوەپێشاندانێن بەرفەرەهێن مەهێن داوین یێن سالا 2022ان كو ب سه‌ده‌ما کوشتنا کەچا کورد (ژینا ئەمینی) ژ هێلا پۆلیسێن ئەخلاقێ ڤه ده‌ستپێكربوون.
