ئارتێشا تركیێ ژ ده‌ستپێكا ئیسال 2024ێ ڤه، 230 جاران ئێرشی هەرێما کوردستانێ کری یە.
ئەندامێ تیمێن ئاشتیێ یێن جڤاکی (CPT) کامەران ئۆسمان ژ رووداوێ رە راگهاند: «ژ 1ێ کانوونا پاشین یا 2024ان هەتا 1ێ ئادارا 2024ان، ترکیێ 230 ئێرش ل هەرێما کوردستانێ و 4 ئێرش ژی ل پارێزگەها نه‌ینه‌وایێ کرنە».
ئەندامێ CPT کامەران ئۆسمان ل سەر ئاوایێ ئێرشان ژی گۆت: «ژ 234 ئێرشان، 12 ب درۆنان، 194 ب بالافرێن شەر و 28 ژی ب تۆپبارانێ هاتنە کرن».
ل گۆری پارێزگەهان، 35 ئێرش ل سلێمانیێ، 109 ل دهۆکێ و 86 ژی ل هەولێرێ هاتنە کرن.
ده‌ستنیشان كر، ژ تەباخا 2015ان ڤە 152 سڤیل د ئەنجاما ئێرشێن ترکیێ یێن ل هەرێما کوردستانێ دە جانێ خوە ژ دەست دایە و 228 سڤیل ژی بریندار بوونە».
ئەندامێ CPT دا زانین کو ژ دەستپێکا ئیسال ڤە هەتا نها 2 سڤیلان ل هەرێما کوردستانێ ژ بەر ئێرشێن ترکیێ جانێ خوە ژ دەست دایە.
