چەتەیێن ب ناڤێ “جوانێن شۆرەشگەر” یێن راستەراست فەرمانا ژ قەندیلێ وەردگرن، د رەڤاندنا زارۆکێن بچووک دە بەردەوامە، ھەری داوی زارۆکەکا 16 سالی ژ باژارۆکێ تل تەمەر ل گوندەوارێ حەسەکێ رەڤاند.
عەبدولسەمەد کیکی بابێ زارۆکا رەڤاندی ئەشکەرە کر، کو رۆژا چارشەمبێ 28/2/2024 دەمژمێر 8 سبەھێ چەکدارێن “جوانێن شۆرەشگەر” کەچا من وەسیلا یا تەمەن 16 سالی دەما دچوو دبستانا خوە ل تاخا ئەلحەمرا، رەڤاند.
بابێ زارۆکا رەڤاندی ئەشکەرە کر کو ھەڤالێن وەسیلایێ ل دبستانێ پشتی دەرباسبوونا دەمژمێرەکێ ل سەر پرۆسەیا رەڤاندنێ ئەم ئاگەھدار کرین کو وەسیلە ھاتیە رەڤاندن، و ژ وێ دەمێڤێ مە سەرەدانا تەڤایا ناڤێندێن سەر ب پەیەدێ کر لێ ھەولێن مە بێسوود بوون، و رەد کرن کو کەچا مە ل جەم وانە.
زارۆکا رەڤاندی وەسیلا عەبدولسەمەد کیکی یا تەمەن 16 سالی، خوەندەکارا پۆلا 10ێ یە.
“جوانێن شۆرەشگەر” د رەڤاندنا زارۆکێن بچووک دە بەردەوامە، ھەری داوی زارۆکەک 15 سالی ژ تاخا شێخ مەقسوود ل حەلەبێ رەڤاندبوو.
فەرماندارێ ھێزێن سووریا دەمۆکراتیک مەزلووم کۆبانێ د سالا 2019 دە ل گەل ڤێرجینیا گامبا نوونەرا نەتەوێن یەکگرتی بۆ کارووبارێن زارۆکان، ل سەر پەیمانەکێ ئیمزە کربوو، کو ئێدی زارۆکان تەڤلی ھێزێن خوە نەکە و زارۆکێن د ناڤ دە سەربەست بەردە، لێ بەلێ هەیا نها ت پابەندبوون ب ڤێ بریارێ نەکریە.
