چەتەیێن ب ناڤێ “جوانێن شۆرەشگەر” یێن سەر ب پارتیا کارکەرێن کوردستانێ “پەکەکێ” ڤە بەردەوامە ل سەر رەڤاندنا زارۆکان ل رۆژئاڤا کوردستانێ و دەڤەرێن د بن دەستهلاتا پەیەدێ دە، هەر داوی ژی زارۆکەک ل منبجێ رەڤاند.
چاڤکانیێن پێگەها دارکا مازی ئەشکەرە کرن، چەتەیێن پەکەکێ یێن ب ناڤێ “جوانێن شۆرەشگەر” ل رۆژا چارشەمبی 6/3/2024 زارۆکەکا 14 سالی یا ب ناڤێ ئایە محەمەد یەحیا حەمام ل رۆژئاڤایێ باژارێ منبجێ رەڤاندیە.
چاڤکانیێن دارکا مازی هەر وەها تەکەز کرن، ئایە محەمەد دەما دخوەست بچە دەبستانێ د رێ دە ژ ئالیێ چەتەیێن پەکەکێ ڤە هاتیە رەڤاندن.
ئایە محەمەد ژ داییک بوویا 1/1/2010 و خوەندکارا دبستانا ئەل-تەتبیقات بوویە ل رۆژئاڤا باژارێ منبجێ.
تێ زانین، فەرماندارێ ھێزێن سووریا دەمۆکراتیک مەزلووم کۆبانێ د سالا 2019 دە لگەل ڤێرجینیا گامبا نوونەرا نەتەوێن یەکگرتی بۆ کارووبارێن زارۆکان، ل سەر پەیمانەکێ ئیمزە کربوو، کو ئێدی زارۆکان تەڤلی ھێزێن خوە نەکە و زارۆکێن د ناڤ دە سەربەست بەردە، لێ تا نھا چ پابەندی ب وێ پەیمانێ نەھاتیە کرن، ھەر دەم چەکدارێن ب ناڤ و رەنگێن جودا د ناڤا هەسەدێ دە زارۆکان درەڤینن و تەڤلی لەشکەریا نەچاری دکن.
