وەزارەتا ناڤخوەیا ئیرانێ ل ھەموو پارێزگەھان فەرمان دایە کو د مەھا رەمەزانێ دە رێگری ل رێڤەچوونا ھەر جورە مەراسیمەکا نەورۆزێ بکن.
ل پرانیا باژار و گوندێن رۆژھلاتێ کوردستانێ پێشوەخت مەراسیمێن نەورۆزێ دەستپێ کرنە و ئاگر پێخستنا نەورۆزێ یا ب مەشعەلا و ل بەر کرنا جلێن کوردی و جەمەدانی و دیلان برێڤە دچن. لێ وەزارەتا ناڤخوەیا ئیرانێ ل ھەموو پارێزگەھێن وی وەلاتی فەرمان دایە کو رێگری ل رێڤەچوونا ھەرجورە مەراسیمێن نەورۆزێ بێن کرن و پارێزگارێن ھەموو پارێزگەھێن ئیران و رۆژھلاتێ کوردستانێ و قایمەقام ل گۆر وێ فەرمانێ دڤێت رێگریێ ل رێڤەچوونا مەراسیمێن نەورۆزێ یێن د مەھا رەمەزانێ دە بکن.
ل گۆر وان وێنە و ڤیدەۆیێن ل ھن باژار و گوندێن رۆژھلاتێ کوردستانێ ھاتنە بەلاڤ کرن، 10 رۆژان بەری نھا مەراسیما بھار و نەورۆزێ ل ناڤچەیا ھەورامانێ دەستپێ کریە و ھەتا نھا ژی ل پرانیا باژار و گوندان ب جۆشەکا مەزن بەردەوام دکن.
