چه‌ته‌یێن په‌كه‌كێ یێن ب ناڤێ «جوانێن شۆره‌شگه‌ر» كه‌چه‌كه دن یا 14 سالی ژ منبجێ ره‌ڤاندن ژ بۆ كو تەڤلی ره‌فێن یه‌په‌گێ ل رۆژئاڤا كوردستانێ بكه، نه‌ته‌وه‌ێن یه‌كبوویی ژی ئاشكه‌ره كری یه كو په‌كه‌كێ و شاخێن وێ 1200 زارۆك د ساله‌كێ ده ره‌ڤاندنه.
هات راگهاندن چه‌ته‌یێن په‌كه‌كێ جوانێن شۆره‌شگه‌ر كه‌چه‌كه 14 سالی ب ناڤێ م.هـ ژ باژارێ منبجێ ره‌ڤاندن ژ بۆ كو وێ ب دارێ زۆرێ ته‌ڤلی ره‌فێن یه‌په‌گێ باسكێ چه‌كداری یێ په‌كه‌كێ ل رۆژئاڤا كوردستانێ بكه.
جوانێن شۆره‌شگه‌ر كو رێخستنه‌كه گرێدای په‌كه‌كێ یه و ب ته‌علیماتێن راسته راست یێن قه‌ندیلێ ته‌ڤدگه‌ره و ژ هێلا مه‌زلووم عه‌بدی ڤه تێ سه‌رپه‌رشتیكرن، ناهێلە زارۆکێن کو هاتنە رەڤاندن ب مالباتێن خوە را بکەڤن تێکلیێ.
رێخستنا په‌كه‌كێ و باسكێن وێ یێن رۆژئاڤا زارۆک و جوانێن کو درەڤینە ژ بۆ پەروەردەیا چەکداری دبە کامپێن پەروەردەیێ.
د سالا 2022ان دا ژ 1200ی زێدەتر زارۆک ل باكور و رۆژهلاتا سووریێ هاتن رەڤاندن.
نەتەوەیێن یەکبوویی د راپۆرا خوە یا ب ناڤێ “د پەڤچوونێن سالانە دا زارۆک” دا ئەشکەرە کربوو کو د سالا 2022یان دا په‌كه‌كێ و هه‌سه‌دێ و یه‌په‌گێ ژ 1200ی زێدەتر زارۆک وەکی عەسکەر ب کار ئانینە.
د راپۆرێ دا هاتبوو گۆتن هه‌سه‌دێ 673 زارۆک، په‌كه‌كێ/یه‌په‌گێ و شاخێن گرێدایی هه‌سه‌دێ ژی 633 زارۆک تەڤلی رەفێن خوە کرنە.
