یەک ژ دو دادوەرێن کورد یێن دادگەها فەدەرالی رادگەهینە، وەکی دیارکرنا نەرازیبوونا خوە ل دژی بریارێن ڤێ داویێ یێن دادگەها فەدەرالی یا ئیراقێ یێن ل دژی قەوارە و فەرمانبەرێن هەرێما کوردستانێ، بریار دایە خوە ژ ئەندامەتیا وێ دادگەهێ ڤەبکێشە.
عەبدولرەحمان سلێمان، کو یەک ژ دو دادوەرێن کوردێن دادگەها فەدەرالی یە، ئیرۆ سێشەمێ، 12\03\2024 د کۆنفرانسەکە رۆژنامەڤانی دە راگەهاند کو، وەکی دیارکرنا نەرازیبوونا خوە ل دژی بریارێن ڤێ داویێ یێن دادگەها فەدەرالی یا ئیراقێ یێن ل دژی قەوارە و فەرمانبەرێن هەرێما کوردستانێ، بریار دایە خوە ژ ئەندامەتیا وێ دادگەهێ ڤەبکێشە.
دادوەر عەبدولرەهمان سلێمان گۆت: «من وەکی نوونەرێ هەرێما کوردستانێ د دەما بۆری دە ل دەدگەها فەدەرالی کار کریە. ئەز هێڤیدار بووم کو د وێ دەمێ دە وەکی بەرگریکەرەکێ باشێ هەرێما کوردستانێ د چارچۆڤەیا دەستوورێ ئیراقێ دە کار بکم، لێ پشتی دەربازبوونا نێزی سێ سالان ل سەر کارێ من، ئەز گەهشتم وێ باوەرێ کو بەردەوامیدانا من ل وێ دادگەهێ رێیێ نادە من کو وی کاری بکم یێ کو ئەز پێخەمەتی وی هاتبووم».
