پشتی ئەشکەرەکرنا كارنامه‌یا نەورۆزا 2024ێ، دیاربەکر ژی د ناڤ دە بەرنامەیێن هەموو باژارێن کو دێ نەورۆز لێ بێ پیرۆزکرن هاتن ئەشکەرەکرن.
د بەرنامەیا پیرۆزباهیا نەورۆزا دیاربەکرێ دە، هونەرمەند ئامال مسلوسی یا کو ب سروودا خوە ببوو سەمبۆلا شۆرەشا تونسێ ژی جهێ خوە دگرە.
ب نێزیکبوونا نەورۆزا 2024ێ، کۆمیتەیێن ئامادەکارێن پیرۆزباهیێن نەورۆزێ راگهاند کو دێ 57 شاهیێن ناڤەندی و ب سەدان شاهیێن جهێرەنگ بێن لدارخستن.
ل گۆری بەرنامەیێ، پیرۆزباهیێن نەورۆزێ د 15ێ ئادارێ دە ژ ناڤچەیا دەپێ یا خارپێتێ دەست پێ دکە و د 21ێ ئادارێ دە ل دیاربەکرێ ب داوی دبە.
د بەرنامەیێن نەورۆزێ دە سیاسەتمەدارێن دەم پارتی و پێکهاتەیێن وێ ژی ل ڤان هەرێمێن شاهیێ بەلاڤ دبن و دێ د هەموو بەرنامەیان دە هەم سیاسەتمەدار هەم ژی هونەرمەند جهێ خوە بگرن.
ل گۆری بەرنامەیا دیاربەکرێ ژی، هونەرمەند ئامال مسلوسی، یا کو سترانا وێ د شۆرەشا تونسێ دە بووبوو سروود و ژ بەر ڤێ ژی ناڤ و دەنگێ وێ ل جیهانێ بەلاڤ بووبوو، د پیرۆزباهیا نەورۆزا دیاربەکرێ دە جهێ خوە دگرە.
هەر وها هات راگهاندن کو هەڤسەرۆکێ دەم پارتیێ تونجەر باکرهان، هەڤسەرۆکا پارتیا هەرێمێن دەمۆکراتیک دبپێ چگدەم کلچگون ئوچار و پارلامەنتەرێ دەم پارتیێ یێ دیاربەکرێ بەردان ئۆزتورک وەکی سیاسەتمەدار بەشداری نەورۆزا دیاربەکرێ دبن و هونەرمەندێن وەکی میکائیل ئاسلان، ئارهات، فاراژ عه‌لی پۆئور و خەزەل مستەفا ژی دێ وەکی هونەرمەند د نەورۆزێ ده جهێ خوە بگرن.
