شێورمەندێ ئاسایشا نەتەوی یا ئیراقێ راگھاند، ئیراقێ دەربارێ ھەبوونا ھێزێن ترکیێ ل ئیراقێ تەدبیرێن نوو ستاندنە. وی گۆت، پشتی دەرکەتنا چەکدارێن پەکەکێ دێ ھێزێن ترکیێ یەکسەر ژ ئیراقێ دەرکەڤن.
شێورمەندێ ئاساییشا نەتەوی یا ئیراقێ ئیرۆ 13/3/2024 د چاڤپێکەتنەکێ دە کو گەلەک چاپەمەنیێن ئیراقی و عەرەبی تێ دە ئامادە بووبوون دە راگەھاند، “ھێزا ئیراقێ یا رووبەرووبوونا ل دژی داعشێ ھەیە و ھەبوونا لەشکەرێن ترکیێ یا د ناڤ ئاخا ئیراقێ، نە رەوایە.”
ھەروھا ئاماژە ب وێ ژی کریە، حکوومەتا محەمەد شیاع سوودانی، تەڤدیرێن پێویستێن ل سەر سینۆرێن ئیراقێ ل گەل ترکیێ گرتیە بەر و چەندین مژار و دۆسیایێن مەیێن دن ژی ل گەل ترکیێ ھەنە.
ھەرواھ دبێژە: ‘”ترکان ژ بۆ چارەسەر کرنا پرسکرێکان بەرسڤا شاندا ئیراقێ دانە و ھەر دەمەکی کو چەکدارێن پەکەکێ د ئاخا ئیراقێ دە نەمان، وێ لەشکەرێن ترکیێ ژی ئیراقێ ب جیھ بھێلن.”
ھەروھا دیار کریە: “ل مەھا کانوونێ یا دویەما ڤێ سالێ لژنەیەک ژ بۆ برێڤەبرنا دۆسیایێن پێیوەندیێن ئەولەھیێ ل گەل ترکیێ پێک ھاتیە، جڤینێن پێشەرۆژێ ژی ل گەل ترکیێ چارەسەریەکە تەمام ل خوە دگرە ژ بۆ وێ دۆسیایێ، ژ بەر کو پرۆژەیا رێیا گەشەپێدانێ پێویستی ب ئارامیێ ل ھەرێمێ ھەیە.”
