سەرۆک مەسعوود بارزانی د سالڤەگەرا کیمیابارانا هەلەبجەیێ دە راگهاند: «شەرمە کو هین ژی د ناڤا دەولەتا ئیراقێ دە حەزا نەهشتن و ئینکارکرنا گەلێ کوردستانێ تێ دیتن».
سەرۆک مەسعوود بارزانی ئیرۆ 16/03/2024، ب بۆنەیا سالڤەگەرا کیمیابارانا هەلەبجەیێ پەیامەک ل تۆرا جڤاکی «X» بەلاڤ کر.
سەرۆک بارزانی د پەیاما خوە دە گۆت: «تاوانا کیمیابارانا هه‌له‌بجه‌یێ، بەلگەیا ستەمکاری و زیهنیەتا نەمرۆڤانە یا دژبەرێن گەلێ کوردستانێیە».
هەروه‌ها گۆت: «پشتی 36 سالان ژ کارەساتا هه‌له‌بجه‌یێ، شەرمە کو هین ژی د ناڤا دەولەتا ئیراقێ دە حەزا نەهشتن و ئینکارکرنا گەلێ کوردستانێ تێ دیتن».
د رۆژەکە وەک ئیرۆ د 16/3/1988ان دە رێژیما بەعسا ئیراقێ باژارێ هەلەبجە کیمیاباران کر و بێهتر ژ 5 هەزار وەلاتیێن وی باژاری شەهید بوون و بێهتر ژ 20 هەزار کەس ژی بریندار بوون و بەشەکە ژ خەلکێ هەلەبجەیێ کۆچبەری ئیرانێ بوون.
