ل باژارۆکێ رەشادێ ل باشوورێ کەرکووکێ، 2 لەشکەرێن ئیراقێ د ئەنجاما تەقینەکێ دە بریندار بوون.
ژێدەرەکی ژ پۆلیسا کەرکووکێ ژ ک24ێ رە ئەڤ نووچە پشتراست کر و گۆت، تەقین ل گوندێ سەلمانی یێ گرێدایی باژارۆکێ رەشادێ د دەما پاقژکرنا جهەکی بەرێ یا چەکدارێن داعشێ دە روو دایە کو مەبەستا وان ئەو بوو کو پشتی پاقژکرنێ، وێ وەک بارەگەهەکە لەشکەری بکار بینن.
وی ژێدەری ئەشکەرە کر ژی، د ئەنجاما تەقینێ دە 2 لەشکەرێن فرقەیا 45 یا ئارتێشا ئیراقێ بریندار بوونە و ژ بۆ نەخوەشخانەیێ هاتنە راکرن.
باژارۆکێ رەشاد 35 کیلۆمەترە دکەڤە باشوورێ کەرکووکێ و د دەستپێکا مەها جۆتمەها 2017ان دە، ژ چەتەیێن داعشێ هاتبوو رزگار کرن
