3 بالافرێن کەشفێ یێن ترک هەرێمێن کو هێزێن کوردی و رەژیما سووریێ لێ بجهـ بوونە کرن هەدەف، د ئەنجامێ دە جوانەک هات كوشتن و هه‌ژماره‌ك بریندار بوون.
ل گۆری روانگه‌ها سووری یا مافێن مرۆڤان ئیرۆ رۆژا یه‌كشه‌می 17/3/2024ێ، بالافرێن كه‌شفێ یێن ده‌وله‌تا ترك كۆمه‌كه كاركه‌ران ل ده‌ردوورا تلرفعه‌تێ ل گونده‌وارێ باكورێ حه‌له‌بێ كرن ئارمانج، یه‌ك ژ وان ژیانا خوه ژ ده‌ست دا و هه‌ژماره‌ك ژی ب برینێن جوربجور بریندار كه‌ت.
هەر وها ئارتێشا ترک ب دو بالافرێن کەشفێ گوندێن کەلۆئوتا و خەراب ئەل-شه‌مسێ یێن گرێدایی ناڤچەیا شێراوا یا عەفرینێ، یێن کو هێزێن کوردی و یێن رەژیمێ لێ بجهـ بوونە، کرن هەدەف، لێ هەتا نها دەربارێ زیانێن مرۆڤی دە ئاگاهی نەهاتنە بدەستخستن.
د 9ێ ئادارێ دە، رەوانگەها سووری بۆ مافێن مرۆڤ ئاشكه‌ره كربوو كو د ئەنجاما تۆپبارانا هێزێن ترکیێ و گرووپێن سەر ب وان ڤە ب تۆپا گران ل گوندێ شێخ عیسا، دو وەلاتیێن ب گرانی بریندار بووبوون.
