کۆلبەرەکی خەلکێ رۆژھلاتێ کوردستانێ ژ ئالیێ ھێزێن پاسەوانێن سنۆری یێن سەر ب ئیراقێ ڤە ھاتە ئیشکەنجەکرن.
ل گۆر گرتە ڤیدەۆیەکی کو د تۆرێن جڤاکییێن رۆژھلاتێ کوردستانێ بەلاڤ بوویە، کۆلبەرەک پشتی ژ ئالیێ ھێزێن پاسەوانێن سنۆرێن ل ناڤچەیا تەوێلە یا سەر ب پارێزگەھا حەلەبجە ڤە ھات گرتن، ل وی ددن و وی ئیشکەنجە دکن.
د گرتە ڤیدەۆیێ دە کەسەک بەدەنا وی کۆلبەری نیشان ددە و دبێژە: “ھێزێن پاسەوانێن سنۆر بارێ وی ژێ ستاندنە و گەلەک ل وی دانە و ئەو تۆمەتبار کرنە ب ھەولا وەرگرتن و ژێ ستاندنا چەکا پاسەوانەکی سنۆری.”
د ھەیاما بۆری دە ژی گەلەک کۆلبەرێن رۆژھلاتێ کوردستانێ ژ ئالیێ پاسەوانێن سنۆری ڤە ل سنۆرێ تەوێلە ھاتن گرتن و ل وان دان و پشترە ژی سەرێ وان تراشیبوون.
