چاڤکانیەکا ئەولەھیێ راگەھاند کو بەرپرسەکا پەکەکێ یا ب ناڤێ رۆژدا بیلەن کو ب پێشەنگ بروسک تێ ناسکرن، ل پێنجوێنێ ھاتیە کوشتن.
ئیرۆ 19/3/2024، چاڤکانیەکێ ئەولەھیێ، ژ چاپەمەنیا ترکیێ رە راگەھاندیە کو ئیستخباراتا ترکیێ د چارچۆڤەیا ئۆپەراسیۆنەکێ دە ل سلێمانیێ بەرپرسەکا پەکەکێ کوشتیە.
وێ چاڤکانیێ ھەروھا راگەھاندیە، ناڤێ وێ بەرپرسا پەکەکێ رۆژدا بیلەنە و ب ناڤێ پێشەنگ بروسک تێ ناسکرن، ل ناڤچەیا پێنجوێنێ ھاتیە کوشتن.
چاڤکانیێ دیار کر کو پەلین د سالا 2011 دا تەڤل پەکەکێ بووبوو و ژ ئالیێ دادگەھا سزایێن گران یا ئەسکی شاھیر ڤە ب ھنجەتا ئەندامتیا رێخستنا تەرۆرێ یا چەکداری د لیستەیا شینا ل وەزارەتا ناڤخوە دە جیھ گرتیە.
ل ترکیێ پێنج لیستەیێن وەزارەتا ناڤخوەیی ھەنە: سۆر، شین، کەسک، پرتەقالی و گەور کو د ڤان لیستان دا ناڤێ کەسێن کو تێن خوەستن و د رێخستنێن تەرۆر و سەبخوەخوازیێ دە ئەندامن، هەنە.
