بالافرێن شه‌ر یێن ترکیێ خال و پێگەهێن په‌كه‌كێ ل دەڤەرێن مەتینا، زاپ، خاکورک، گاره‌ی و قەندیلێ بۆمبەباران کرن.
وەزارەتا به‌رگریێ یا ترکیێ راگهاند، بالافرێن وان یێن شه‌ر دەڤەرێن زاپ، مەتینا، گارە، خاکورک و قەندیلێ بۆردوومان کرنە.
وەزارەتێ دا زانین د ئێرشان دە 27 خال و پێگەهێن په‌كه‌كێ هاتنە ئارمانجکرن و ژناڤبرن.
وەزارەتا به‌رگریێ یا ترکیێ ئاشکەرە، ل ناڤچەیا ئۆپەراسیۆنا «پەنجە کلیتێ» ژی، د ئەنجاما ئێریشێن په‌كه‌كێ دە لەشکەرەکی ترکیێ هاتیە کوشتن و 4 لەشکەر ژی بریندار بوونە.
ئاماژە ب وێ ژی، د ئەنجاما پەڤچوونان دە 6 چەکدارێن په‌كه‌كێ ژی هاتن کوشتن.
