ژ بەر لەهیێ پرا دەریێ سێمالکا/پێشابوورێ ژ کار دەرکەت

ژ بەر بارانا بهێز و رابوونا ئاستا چەمێ دیجلەیێ، پرا دەریێ سێمالکا/پێشابوورێ یێ د ناڤبەرا رۆژئاڤا و باشوورێ کوردستانێ دە ژ کار دەرکەت.

ژ دوهی ڤە پێلەکە بارانا بهێز ب هەرێما کوردستانێ دە گرتیە و باندۆرا زێدە ل سەر پارێزگەها دهۆکێ بوویە کو ژ بەر بارانێ لەهی رابوونە و ئاستا چەمێ دیجلە و خابوورێ بلند بوونە.

ژ بەر بارانا بهێز، ئاستا چەمێ دیجلەیێ رابوویە و پرا دەریێ سینۆری یێ سێمالکا/پێشابوورێ هەرفاندیه‌ و ژ کار دەرکەت.

رێڤەبەریا دەریێ سێمالکا بەلاڤ کر، هەتا کو ئاستا چەمێ دیجلەیێ داکەڤە و زیانان چاک بکن، دێ دەریێ سینۆری ل پێش تەڤگەرا بازرگانی و چوونووهاتنا رێویان گرتی بمینە.