میتێ به‌رپرسێ په‌كه‌كێ خه‌لیل ته‌كین كوشت

ئیستخباراتا تركیێ میتێ ب ئۆپەراسیۆنەکێ، به‌رپرسه‌كێ په‌كه‌كێ یێ ب ناڤێ خه‌لیل ته‌كین ل باژارێ قامشلۆ یێ رۆژئاڤا كوردستانێ كوشت.

هات راگهاندن، د ئۆپه‌راسیۆنه‌كه‌ ئیستخباراتا تركیێ ده‌ كو ل دو رۆژێن رابووری ل قامشلۆ یا رۆژئاڤا كوردستانێ پێكهاتییه‌، به‌رپرسێ په‌كه‌كێ/یه‌په‌گێ یێ ب ناڤێ خه‌لیل ته‌كین ب ناڤێ كۆد سه‌یدۆ هاتیه‌ كوشتن.

خه‌لیل ته‌كین د کاتەگۆریا کەسک یا لیستەیا “لێگەرینا ژ تەرۆرێ” یا ده‌وله‌تا ترك دا بوو، ئه‌و ل قامشلۆیا رۆژئاڤا كوردستانێ هات كوشتن.

تەکین ل سالا 2007ان ته‌ڤلی رێخستنا په‌كه‌كێ بووبوو، ل باشوور و رۆژئاڤا كوردستانێ ئه‌رك وه‌رگرتنه‌، باڤێ وی ئیبراهیم تەکین ژی وەکە وی ئەندامێ رێخستنا په‌كه‌كێ بوو و د سالا 1992یان دا ب ئۆپەراسیۆنا ئارتێشا ترکیەیێ هاتبوو كوشتن.