کۆلبەرەکی خەلکێ رۆژھلاتێ کوردستانێ ب گولـلەیێن راستەراست یێن ھێزێن ئەولەھیا ئیرانێ ھات شەھیدکرن، کۆلبەرەکی دن ژی ب کریزا دل ژیانا خوە ژ دەست دا و ھەروھا کۆلبەرەکی دن ژی ژ بەر د زنارەکی دە کەتە خوارێ ب گرانی بریندار بوو.
دوھ 24/3/2024 کۆلبەرەکی تەمەن 22 سالی یێ خەلکێ بانەیێ ب ناڤێ سۆران عەبدی د دەما کۆلبەریێ دە ل سینۆرێ ھەنگەژالی یا بانەیا رۆژھلاتێ کوردستانێ، ب گولـلەیێن راستەراست یێن ھێزێن ئەولەھیا ئیرانێ گران بریندار بوو و د دەما ڤەگوھەستنا ژ بۆ نەخوەشخانەیێ دە ژ بەر برینا وی گرانبوو شەھید بوو و ھات راگەھاندن ئەو کۆلبەر زەوجییە و ھەڤژینا وی ژی دوگیانە.
ھەروھا کۆلبەرەکی دن یێ خەلکێ گوندێ زێران یا سەر ب باژارێ جوانرۆیێ ب ناڤێ محەمەد بایەر محەمەدی یێ تەمەن 48 سالی، د دەما کۆلبەریێ دە ژ بەر کریزا دل دەرباسکر، ل سینۆرێ نەوسوودێ ژیانا خوە ژ دەست دا.
ل گۆر زانیاریان میلاد محەمەدی یێ تەمەن 15 سالی و کورێ محەمەد بایەر محەمدی رۆژا ئینێ د دەما کۆلبەریێ دە ل ھەمان سینۆری، ژ بەر د زنارەکێ دە کەتیە خوارێ ب گرانی بریندار بوویە و نھا د بن چاڤدێریا پزیشکی دەیە.
