ناسنامه‌یا دو جوانێن دن یێن كوردان ئیفشا بوو كو رێخستنا په‌كه‌كێ به‌ری 6 سالان ئه‌و دابوونه كوشتن و ژ نوو ڤه مرنا وان هات راگهاندن، په‌كه‌كه د په‌سنێ وان ده دبێژه دو فه‌دایێن دن یێن ئاپۆ.
هه‌په‌گێ باسكێ له‌شكه‌ری یێ په‌كه‌كێ ئیرۆ 27 ئادارا 2024ێ ناسنامه‌یا 2 چه‌كدارێن خوه ئاشكه‌ره كر كو ل ئادارا 2018ێ، ل ئامنۆسێ راستی ئێریشێن ترك هاتنه و ژیانا خوه ژ ده‌ست دا نه، په‌كه‌كێ ژ وێ ده‌مێ ڤه مرنا وان ڤه‌شارتبوو.
ناڤێن وان وه‌هایه:
ئیسماعیل ئۆسمان ژ شرنه‌خێ.
ده‌لیل ئیبراهیم ژ مێردینێ.
په‌كه‌كێ د په‌سنێ ڤان چه‌كدارێن خوه ده دیسا گۆتیه: ئه‌و ئاپۆیی بوون و ل په‌ی فكر و فه‌لسه‌فا ئاپۆ كه‌تن ل داویێ ژی فه‌دایێ ئاپۆ بوون!.
ژ ده‌ستپێكا سالا نوو 2024ێ ڤه، په‌كه‌كێ وه‌كه سالێن به‌رێ هه‌ر رۆژ وێنه‌یێن كۆمێن جوانێن كوردان پارڤه‌دكه، جوانێن كو د به‌رخوه‌دانا خوه یا ساخته ده به‌رێ وان دده مرنێ و مرنا وان ڤه‌شارتی دهێله.
