فرۆکەیێن شەری یێن ترکییێ گوندەکی ئامێدیێ بۆمبەباران کر

فرۆکەیێن شەری یێن ترکییێ گوندێ سەرگەلێ یێ ناڤچەیا ئامێدیێ بۆمبەباران کر. موختارێ گوندی ژی گۆت: زیانێن مادی دەرکەتنە.

موختارێ گوندێ سەرگەلێ نزرا محەمەد ئیرۆ ٢٧ێ ئادارێ رەراگھاند، جھێ بۆمبەبارانێ ل دەرڤەیی گوند بوویە و ب خوەشی ڤە ت زیانێن جانی چێنەبوونە.

موختارێ گوندێ سەرگەلێ ئاماژە ب وێ ژی کر، ژ بەر کو بۆمبەباران گەلەکی نێزی گوندێ وان بوویە، گوندی ب نیگەرانن و دترسن.

ھەروھا گۆت، ژ بەر ھەبوونا چەکدارێن پەکەکێ ل وێ دەڤەرێ، ئەو ناڤچە ب بەردەوامی ژ ئالیێ فرۆکەیێن شەری یێن ترکیەیێ ڤە تێ بۆمبەبارانکرن.