ل گوندەکی ناڤچەیا سوورا ئامەدا باکورێ کوردستانێ د دەما دەنگدانێ دە شەر دەرکەت و چەک ھاتن بکارئانین. کەسەکی ژیانا خوە ژ دەست دا، 12 کەسێن دن ژی بریندار بوون.
ل ناڤچەیا سوورا ناڤەندا ئامەدا باکورێ کوردستانێ ل گوندێ جرنەکێ د دەما دەنگدانێ دە د ناڤبەرا دو گرۆپان دە ل سەر ھەلبژارتنا موختار شەر و پەڤچوون دەرکەت و کەسەکی ژیانا خوە ژ دەست دا، 12 کەسێن دن ژی بریندار بوون.
ل گۆر چاپەمەنیا ترکیێ د دەما کارووبارێن دەنگدانێ برێڤە دچوون، د ناڤبەرا دو گرۆپان دە شەرێ ب دار و بەران دەستپێکر و پشترە ڤەگەریا شەرێ ب چەک.
د بوویەرێ دە ل گۆر ئاگاھیێن دەستپێکێ کەسەکی ژیانا خوە ژ دەست دا، 12 کەسێن دن ژی بریندار بوون. بریندار ب ئامبولانسان ژ بۆ نەخوەشخانەیێ ھاتن ڤەگوھەستن.
ھات راگەھاندن ھێزێن ئەولەھیێ تەڤدیرێن ئەولەھیێ یێن توند وەرگرتنە.
