لژنەیا بلندا هلبژارتنێ یا ترکیەیێ بریار دا کو ل ناڤچەیا جورنێ رەش یا روهایێ هلبژارتن وەرن بەتالکرن و هەر وها د بریارێ دە تێ گۆتن کو دێ هلبژارتن 2یێ هەزیرانێ دە وەرە کرن کو ل جورنێ رەش دەم پارتی ب سەر کەتبوو.
هلبژارتنێن جورنێ رەش یا روهایێ یێن شارەداریێ هاتن بەتالکرن. لژنەیا بلندا هلبژارتنێ بریارا بەتالکرنا هلبژارتنێن جورنێ رەش دا کو د هلبژارتنا 31ێ ئادارێ دە ل جورنێ رەش نامزەتێ دەم پارتییێ سەرحان پایداش %33.20، نامزەتێ ئاک پارتیێ عه‌لی بایک ژی %30.72یێ دەنگان وەرگرتبوو.
ل سەر ئیتیرازا ئاک پارتیێ یا بۆ 15 سەندۆقان ژی لژنەیا بلندا هلبژارتنێ بریار دا کو دەنگ ژ نوو ڤە وەرن هەژمارتن و پاشێ ژی بریار هات دایین کو هلبژارتن وەرە بەتالکرن و 2یێ هەزیرانێ دە جارەکە دن وەرە کرن. د هلبژارتنێن 2019ان یێن شارەداریان دە ل جورنێ رەش ئاک پارتیێ %49ێ دەنگان وەرگرتبوو و هه‌ده‌پێ ژی %33یێ دەنگان وەرگرتبوو.
