کۆمیسیۆنا بلندا هلبژارتنێ یا ترکیەیێ، پۆستێ سەرۆکێ شارەداریا باژارێ مەزن یێ وانێ، ژ نامزەتێ دەم پارتیێ عه‌بدوللا زەیدان رە ڤەگەراند.
لژنەیا هلبژارتنێ یا بلند، مازباتایا کو دابوو نامزەتێ ئاک پارتیێ، جارەکە دن دا عه‌بدوللا زەیدانێ کو ژ دەم پارتیێ وەکی هەڤشارەدارێ شارەداریا باژارێ مەزن یێ وانێ هاتبوو هلبژارتن.
نامزەدێ دەم پارتیێ عه‌بدوللا زەیدان رۆژا 31ێ ئادارا 2024ان، ب رێژەیا 55% یا دەنگان د هلبژارتنێن شارەداریا وانێ دە سەرکەفتن ل سەر هەڤرکێ خوە نامزەدێ ئاک پارتیێ عه‌بدولئه‌حه‌د ئارڤاس ئانی، لێ دادگەها ترکیەیێ ل سەر سکالایەکا ئارڤاسی بریار دا کو نامزەدیا زەیدان ژ بۆ پۆستێ سەرۆکاتیا شارەداریا وانێ بێ هەلوەشاندن.
ل سەر ڤێ بریارێ ژی ل باژارێن وان، دیاربەکر، شرنەخ، بدلیس، هیلوان، گەڤەر و چەندین و باژار و ناڤچەیێن دن یێن ترکیە و باکورێ کوردستانێ، ب ئارمانجا پشتەڤانیا ئیرادەیا خەلکێ وانێ، خوەپێشاندان هاتن کرن.
دەم پارتی، ل سەر پێشهاتان سەری ل کۆمیسیۆنا بلندا هلبژارتنێ دا و داخوازا بەتالکرنا بریارا کۆمیسیۆنا باژارێ وانێ کر. کۆمیسیۆنێ ژی ب پرانیا دەنگان بریار دا، پۆستێ سەرۆکاتیا شارەداریا وانێ بۆ عه‌بدوللا زەیدان وەرە ڤەگەراندن.
رێڤەبەریا دەم پارتیێ، بریارا کۆمیسیۆنا بلندا هلبژارتنێ پارڤە کر و گۆت، خوارگری و چالاکیێن گەلێ کورد گهشتیە ئارمانجێ.
