چه‌كدارێن په‌یه‌دێ 3 كادرێن په‌ده‌كه‌سێ ره‌ڤاندن
چه‌كدارێن پارتییا یه‌كێتییا ده‌مۆكراتیك په‌یه‌دێ، سێ كادرێن پارتیا ده‌مۆكراتا كوردستانێ – سووریه ره‌ڤاندن و به‌ر ب جیهه‌كێ نه‌دیار ڤه برنه.
چاڤكانیێن داركامازی یێن ل رۆژئاڤا كوردستانێ ئاشكه‌ره كرن، ژ 30 ئادارا ئیسال 2024ێ ڤه، چه‌كدارێن په‌یه‌دێ باسكێ په‌كه‌كێ یێ رۆژئاڤا كوردستانێ 3 كادرۆیێن په‌ده‌كه‌سێ ره‌ڤاندنه و به‌ر ب جیهه‌كێ نه‌دیار ڤه برنه.
ناڤێن وان ووسایه:
ئەحمەد سۆفی ئەندامێ ئەنجوومەنا هەرێمی یا په‌ده‌كه‌سێ، ل دێرکێ.
مەروان حسێن چالاکڤان و ئەندامێ ئه‌نجومه‌نا خوەجهیا ئەنه‌که‌سێ ل گرکێ لەگێ.
راکان ئەحمەد ئەندامێ ئەنجوومەنا هەرێمی یا په‌ده‌كه‌سێ ل دێركێ.
رۆژا سێشەمێ 2/4/2024ێ چەکدارێن په‌یه‌دێ رۆژنامەڤان «ئەحمەد سۆفی» ئەندامێ ئەنجوومەنا هەرێمی یا په‌ده‌که‌سێ، ل باژارێ دێرکا رۆژاڤایێ کوردستانێ رەڤاند، ئەڤنە جارا یەکێیە کو رۆژنامەڤان ئەحمەد سۆفی ژ ئالیێ چەکدارێن په‌یه‌دێ ڤە تە رەڤاندن، داوین جار رۆژا 19 سباتا 2022ان هاتە گرتن و پشتی 55 رۆژان سەربەست هاتبوو بەردان.
هه‌ر وها رۆژا دوشەمێ 1/4/2024ێ چەکدارێن په‌یه‌دێ «مەروان حسێن لەیانی» چالاکڤان و ئەندامێ خوەجهیا گرکێ لەگێ یا ئەنجوومەنا نشتیمانی یا کورد ل سووریێ ئەنکسێ ل باژارۆکێ گرکێ لەگێ رەڤاند و بەرەڤ جیهەکی نە دیار ڤە برن.
مەروان هسێن لەیانی ژدایکبوویێ سالا 1978یە، خێزاندارە و باڤێ 3 زارۆکانە.
چه‌كدارێن په‌یه‌دێ ل رۆژا 29/3/2024ێ ژی ل دەردۆرا باژارێ دێریکێ یێ رۆژئاڤایێ کوردستانێ ب سه‌ر مالا رۆژنامەڤان «راکان ئەحمەد» ده گرتن و ره‌ڤاند و ئەو ژ بۆ جیهەکی نەدیار برن.
رۆژنامەڤان راکان ئەحمەد دەرڤەیی کارێ رۆژنامەڤانیێ ئەندامێ پارتیا دەمۆکراتا کوردستان – سووریە په‌ده‌كه‌سێ یه.
