پێنج کۆلبەرێن خەلکێ رۆژھلاتێ کوردستانێ ژ بەر گولـلەیێن راستەراست یێن ھێزێن ئەولەھیا ئیرانێ و کۆلبەرەک ژی ژ بەر کو د زنار و بلنداهیێ دە کەت خوارێ بریندار بوون.
ل گۆر زانیاریان د وان دو رۆژێن بۆری دە کۆلبەرێن خەلکێ باژارێ سەولاوا یا رۆژھلاتێ کوردستانێ، ب گولـلەیێن راستەراست یێن ھێزێن ئەولەھیا ئیرانێ و ژ بەر کەتنا خوارا ژ زنارێن چیا دە بریندار بوون.
مالپەرێن مافێ مرۆڤان یێن رۆژھلاتێ کوردستانێ راگەھاندن، کۆلبەرەکی تەمەن 30 سالی یێ ب ناڤێ کەریم (پاشناڤێ وی نەدیارە) ژ بەر کو د زنارەکا چیایێ ل سینۆرێ تەتە یا ھەورامانێ دە کەتیە خوارێ بریندار بوویە.
ھەروەھا د ئەنجاما گولـلەبەردانا راستەراست یا ھێزێن ئەولەھیا ئیرانێ بۆ سەر کۆلبەران، ل چیایێن سینۆرێ تەتە یا سەولاوا، 4 کۆلبەرێن ب ناڤێن ئیبراھیم یەعقوبی، سیاوەش کاکەیی، فەرەیدوون (پاشناڤێ وی نەدیارە) و فوئاد (پاشناڤێ وی نەدیارە) بریندار بوونە.
