ل باژارێ دێرکێ یێ رۆژئاڤایێ کوردستانێ چەکدارێن پەیەدێ حەسام دۆرسن ئەندامێ کۆمیتا ھەرێمی یا پارتیا گەل یا دەمۆکراتی کوردستانی رەڤاند و بەرەڤ جھەکی نە دیار ڤە بر.
رۆژا دوشەمبێ (1/4/2024) چەکدارێن پەیەدێ حەسام عەبدوللا دۆرسن ئەندامێ کۆمیتا ھەرێمی یا پارتیا گەل یا دەمۆکراتی کوردستانی، و کورمامێ بەھزاد دۆرسن سەرکردە د پەدەکە-سێ دە ل باژارێ دێرکا رۆژئاڤایێ کوردستانێ رەڤاند و ئەو بەرەڤ جھەکی نەدیار ڤە برن، و تا نھا چارەنڤیسا وی نە دیارە.
د رۆژێن بووری دە چەکدارێن پەیەدێ ھەر یەک ژ رۆژنامەڤان راکان ئەحمەد ژ گرکێ لەگێ، رۆژنامەڤان و چالاکڤان مەروان حسێن لەیانی ژ باژارۆکێ گرکێ لەگێ، و رۆژنامەڤان ئەحمەد سۆفی ژ دێرکێ رەڤاندن و تا نھا چارەنڤیسا وان ژی نە دیارە.
