چاپەمەنیا ترکیێ راگەھاند، سازیا ئیستخباراتا میلی یا ترکیێ ئانکو میتێ یەک ژ بەرپرسێن پەکەکێ یێن ژن ل کۆبانێ یا رۆژئاڤایێ کوردستانێ ب ئۆپەراسیۆنەکی کوشتیە.
ئاژانسا ئانادۆلو کو زمانحالا فەرمی یا حکوومەتا ترکیێ یە راگەھاند، بەرپرسا رێخستنا یەکینەیێن پاراستنا ژن (یەپەژێ) ل کۆبانێ یا ب ناڤێ وەحیدا ئاتالای یا وەک “سۆرخوین چەلێ” تێ ناسکرن د ئۆپەراسیۆنەکا میتا ترکیێ دە ژیانا خوە ژ دەست دایە.
ل گۆر ھەمان چاڤکانیێ وەحیدا ئاتالای یا وەک سۆرخوین چەلێ تێ ناسکرن د ناڤ رێخستنا ژنان یا ل رۆژئاڤایێ کوردستانێ خوەدی پێگەھ و بەرپرسیارتیەکا گرنگ بوویە و سالا 2006 تەڤلی رەفێن پەکەکێ بوویە و د ناڤ گەلەک چالاکیێن دژی ئارتێشا ترکیێ دە جیھ گرتیە.
ھەرواھا ھات راگەھاندن وەحیدا ئاتالای ژ سالا 2022 ھەتا نھا وەک بەرپرسا یەپەژێ یا کۆبانێ ل سەر کار بوو.
ئاژانسا ئانادۆلۆیێ هەر وەها راگهاند میت کاریە ل باژارێ کۆبانێ ئاگاهیێن پێویست یێن دەربارێ ڤێ بەرپرسا پەکەکێ ب دەست بخە و پشترە د ئۆپەراسیۆنەکا تایبەت دە وێ بکوژە.
