سەرۆکێ ھەرێما کوردستانێ نێچیرڤان بارزانی گەھەشت بەغدایێ و ل گۆر داخویانیا سەرۆکاتیا ھەرێما کوردستانێ ل گەل سەرۆککۆمار و سەرۆکوەزیرێ ئیراقێ دێ بجڤە و بەشداری ل جڤینا ھەڤپەیمانیا رێڤەبەریا دەولەتێ بکە.
ئیرۆ 6/4/2024 سەرۆکێ ھەرێما کوردستانێ نێچیرڤان بارزانی ژ بۆ سەردانەکا فەرمی گەھەشت بەغدایێ.
د سەردانا خوە دە سەرۆکێ ھەرێما کوردستانێ دێ ل گەل سەرۆککۆمارێ ئیراقێ در. لەتیف رەشید و سەرۆکوەزیرێ ئیراقێ محەمەد شیاع سوودانی بجڤە. ھەروەھا بەشداریێ دێ جڤینا ھەڤپەیمانیا رێڤەبرنا دەولەتێ و چارچۆڤەیا ھەماھەنگیێ بکە.
د ھەڤدیتن و جڤینێن خوەیێن ل گەل رێڤەبەر و بەرپرسێن پایەبلندێن ئیراقێ دە نێچیرڤان بارزانی چارەسەرکرنا پرسگرێکێن ھەولێر و بەغدا، رەوشا سیاسی یا ئیراق و ھەرێما کوردستانێ و چەند پرسەکێن دن دێ گۆتووبێژ بکە.
