سەرۆکێ هەرێما کوردستانێ نێچیرڤان بارزانی ئیرۆ 6ێ نیسانێ ل بەغدایێ ل گەل سەرۆکوەزیرێ ئیراقێ محەمەد شه‌یاع سوودانی جڤیا.
ل گۆر داخویانیا حکوومەتا هەرێما کوردستانێ، د جڤینێ دە نێرینێن هەڤبەش ل سەر هەموو مژارێن نشتمانی و جیبجیکرنا کارنەمایا حکوومەتا فەدەرالا ئیراقێ د هەموو واران دە هاتن گۆتووبێژکرن.
د ڤێ دەربارێ دە هەر دو ئالی تەکەز ل سەر پابەندبوونا حکوومەتا فەدەرالی یا پێشکێش کرنا خزمەتگۆزاریان و جیبجیکرنا داخوازێن وەلاتیان ل تەڤاهیا ئیراقێ و د ناڤا وان دە ژی ل هەرێما کوردستانێ کرن.
هەروها هەر دو ئالی ل سەر پێویستیا پشتەڤانیا سازیێن فەدەرال و حکوومەتا هەرێما کوردستانێ هەڤنێرین بوون.
د جڤینێ دە تەکەزی ل سەر پشتەڤانیا هەموو هێز و ئالیێن سیاسی یێن ئیراقێ د پێنگاڤێن چاکسازیێ یێن حکوومەتا فەدەرالی دە هاتە کرن، ژ بۆ پێشدەبرنا گەشەپێدانا تەمام ل وەلات و دەرباسکرنا پرسگرێک و ئاستەنگیێن د وارێ ئیداری و جیبجیکرنا دە.
