بریسیێ ل پێشمەرگەیەکی دا و ژیانا خوە ژ دەست دا

 وەزارەتا پێشمەرگە یا حکوومەتا ھەرێما کوردستانێ راگەھاند، ژ بەر کو بریسیێ ل پێشمەرگەیەکی دایە ژیانا خوە ژ دەست دایە.

د داخویانیا وەزارەتا پێشمەرگە دە ھات دیار کرن، ئیرۆ 8/4/2024 دەمژمێر 06:00 سەرێ سبەھێ بریسیێ ل پێشمەرگەیەکی فەوجا 2 یا لیوایا 15 یا بەژایی یا وەزارەتا پێشمەرگەیێ ب ناڤێ عەبدولغەفوور کەوشو محەمەد دایە کو ل سەر ئەرکێ خوەیێ لەشکەری بوویە ل گوندێ جاستانا ل ئەنیا 6 یا وەزارەتا پێشمەرگە و ژ بەر لێدانا برووسکێ ژیانا خوە ژ دەست دایە.

ئەو پێشمەرگە خەلکێ قەزا خەبات یا سەر ب پارێزگەھا ھەولێرێ یە و زەوجی و خوەدیێ 4 زارۆکانە.