رێخستنا په‌كه‌كێ ل دو رۆژێن رابووری ناسنامه‌یا 4 چه‌كدارێن خوه یێن دن ئیفشا كر كو ئه‌و ژی وه‌كه ب سه‌دان رێهه‌ڤالێن وان د به‌رخوه‌دانا ساخته دا به‌رێ وان دایه مرنێ.
هه‌په‌گێ باسكێ له‌شكه‌ری یێ په‌كه‌كێ رۆژێن شه‌می و یه‌كشه‌می 13 و 14/4/2024ێ ناسنامه‌یا 4 چه‌كدارێن خوه سێ ژێ ژن ئاشكه‌ره كر كو ل 9 كانوونێ و 23 ئادارا ئیسال 2024ێ و هه‌ر وها 14 جۆتمه‌ها 2023ێ ل باشوور و باكورێ كوردستانێ كه‌تنه به‌ر ئێریشێن ده‌وله‌تا ترك و په‌كه‌كێ ژ نوو ڤه مرنا وان ئیفشا كر.
ناڤێن وان وسایه:
دیلان تانه‌ر ژ سته‌نبۆلێ.
گارزان محه‌مه‌د ژ كۆبانێ.
بێریتان عه‌بدولكه‌ریم ژ ئێله‌هێ.
ده‌لال ئه‌حمه‌د ژ ئامه‌دێ.
هه‌په‌گێ د په‌سنێ ڤان چه‌كدارێن خوه ده دیسا گۆتیه ئه‌و ئاپۆیی بوون و فه‌دایێ ئاپۆ بوون.
ژ ده‌ستپێكا سالا نوو 2024ێ ڤه، په‌كه‌كێ وه‌كه سالێن به‌رێ هه‌ر رۆژ وێنه‌یێن كۆمێن جوانێن كوردان پارڤه‌دكه، جوانێن كو د به‌رخوه‌دانا خوه یا ساخته ده به‌رێ وان دایه مرنێ و مرنا وان ڤه‌شارتی هشتی.
