سەرۆک مەسعوود بارزانی ژ بۆ سالڤەگەرا 37انا کیمیابارانا بالیسان، شێخ وەسانان و دۆلا خۆشناوەتیێ پەیامەک بەلاڤ کر.
سەرۆک بارزانی د پەیاما خوە دە گۆت، «ئیرادەیا گەلێ کوردستانێ ژ هەموو چەک و کۆمکوژی و تاوانان بهێزترە».
رەژیما سەدام هوسێن سالا 1987ان گوندێن بالیسان و شێخ وەسانان و دۆلا خۆشناوەتیێ کیمیاباران کرن.
د ڤێ کیمیابارانێ دە هەری کێم 200 کەسی جانێ خوە ژ دەست دا.
گەلەک کەسێن کو ژ ڤێ ئێرشێ ساخ فلتینە ژی ژ بەر پرسگرێکێن تەندورستیێ نکارن ب باشی بژین.
«سلاڤ ل گیانێ پاکێ شەهیدێن کوردستانێ»
سەرۆک مەسعوود بارزانی ژ بۆ سالڤەگەرا 37انا ڤێ کیمیابارانێ پەیامەک بەلاڤ کر و گۆت:
«ئیرادەیا گەلێ کوردستانێ ژ هەموو چەک و کۆمکوژی و تاوانان بهێزترە.
د سالڤەگەرا 37انا تاوانا کیمیابارانکرنا بالیسان و شێخ وەسانان و دۆلا خۆشناوەتیێ دە کو ژ ئالیێ رەژیما بەرێ یا ئیراقێ ڤە هاتیە کرن، هەزاران سلاڤ ژ بۆ گیانێ پاکێ شەهیدێن وێ تاوانێ و هەموو شەهیدێن کوردستانێ».
