سەرۆک مه‌سعوود بارزانی، جەژنا سەرێ سالێ یا کوردێن ئێزدی پیرۆز کر.
سەرۆک مه‌سعوود بارزانی ب بوونه‌یا هاتنا جەژنا سەرێ سالێ پەیامەکە پیرۆزباهیێ بەلاڤ کر.
«ئەم د خوەشی و نەخوەشیان دە شریکن»
سەرۆک بارزانی ئاماژە ب وێ یەکێ کر کو ئێزدی بەشەکە رەسێن یێ گەلێ کوردستانێنە و وها گۆت:
«ب بوونه‌یا هاتنا جەژنا سەرسالا ئێزدیان، پیرۆزباهیێن خوە یێن هەری گەرم پێشکێشی هەموو خوشک و برایێن ئێزدی یێن ل کوردستان و جیهانێ دکم و هێڤیا بەختەوەری و کێفخوەشیێ ژ بۆ وان دخوازم.
خوشک و برایێن ئێزدی بەشەکا رەسەن یا گەلێ کوردستانێ نە و د خوەشی و سەرکەفتن و ئازار و نەخوەشیان دە ئەم هەموو شریکن.
«دڤێ ئەڤ چاندا دەولەمەند بێ پاراستن»
دڤێ خوشک و برایێن ئێزدی ب سەربەستی و ئازادی ڤەگەرن جهـ و وارێن خوە و داوی ل کۆچبەری و وان ئێشان وەرە کو نەهەزێن گەلێ کوردستانێ ل سەر وان فەرز کرنە.
کوردستان وەلاتێ ب هەڤرەژیانێ یە و دڤێ ئەڤ چاندا دەولەمەند بێ پاراستن.
هێڤیدارم هەموو جەژن و هەلکەفتێن وە ب ئاشتی و دلخوەشیێ دە دەرباس ببن، بمینن د خێر و خوەشیێ دە.»
هەر سال ل پەرەستگەها لالشێ جەژنا سەرێ سالێ تێ پیرۆزکرن و ب هەزاران کوردێن ئێزدی بەشداری پیرۆزباهیێ دبن.
د پیرۆزباهیان دە چالاکیێن جوور ب جوور تێن لدارخستن.
