رێخستنا په‌كه‌كێ ئیرۆ ناسنامه‌یا دو چه‌كدارێن خوه ئاشكه‌ره كر كو ل 31 ئادارێ ب ده‌ستێ ئارتێشا تركیێ دا نه كوشتن، یێك ژێ ب دلخواز فاییق تێ ناسكرن كو باشوورێ كوردستانێ یه.
هه‌په‌گێ باسكێ له‌شكه‌ری یێ په‌كه‌كێ ئیرۆ رۆژا چارشه‌می 17/4/2024ێ ناسنامه‌یا دو چه‌كدارێن خوه ئاشكه‌ره كر كو ل 31 ئادارا ئیسالێ ل ده‌ڤه‌را زاپێ یا ل باشوورێ كوردستانێ كه‌تنه به‌ر ئێریشان و ژیانا خوه ژ ده‌ست دا نه.
یێك ژ وان دو چه‌كداران ب دلخواز فاییق تێ ناسكرن كو ژ شێنیێن رزگاریێ یا ل گه‌رمیانا باشوورێ كوردستانێ یه.
دلخواز كو وه‌كه د وێنه‌یان ده دیار د ته‌مه‌نه‌كه بچووك ده یه و نوو ته‌مه‌نا زارۆكتیێ قه‌داندیه، ئه‌و ژی وه‌كه ب هه‌زاران زارۆكێن كوردان ژ هێلا رێخستنا په‌كه‌كێ ڤه هاتبوو خاپاندن و كێشی چیا كربوو.
رێخستنا په‌كه‌كێ دلخواز ل سالا 2018ان كێشی قه‌ندیلێ كر و ل ور ته‌ڤلی په‌روه‌رده‌یا سه‌ربازی و شووشتنا مه‌ژیكی كر، ل 31ی ئادارێ ب ئێریشێن هه‌وایی یێن ده‌وله‌تا ترك ل زاپێ هات كوشتن.
په‌كه‌كێ د په‌سنێ جانێ وی ده ئه‌وقاس ب بێ شه‌رمی گۆتیه: «دلخواز خوه ب ده‌یندارێ ئاپۆ د حه‌سباند، وی خوه فه‌دایێ ئاپۆ كر و ده‌ینێ ئاپۆ ئه‌دا كر!.»
