بەرپرسێن پەکەکێ ل رۆژئاڤا کوردستانێ ب سەدەما داهاتێ زێدە یێ ژ ئەنجاما بازرگانیا نارکۆتیکێ ب دەست هن ژ بەرپرسیاران دکەڤە راستی پرسگرێکێن هەری کوور تێن.
چاڤکانیێن پێگەها دارکا مازی ل رۆژئاڤا کوردستانێ ئەشکەرە کرن، کادرۆیێن پەیەدێ-پەکەکێ ل رۆژئاڤا کوردستانێ بازرگانیێ ب ماددەیێن هشبەر ب تایبەتی حەبێن کبتاگۆن دکن، ل سەر داهاتێ ڤێ بازرگانیێ ژی پرسگرێکێن هەری کوور د نێڤبەرا جلۆ محەمەد عەلی ژ شێنیێن تاخا کانیا کوردا ل باژارێ کۆبانیێ و کورێن وی کو کادرۆیێن پەکەکێ نە لگەل هن بەرپرسێن دن یێن پەکەکێ دە پەیدا بوونە.
چاڤکانیێن مە ئەشکەرە کرن، جلۆ محەمەد لگەل کورێن خوە مادەەیێن هشبەر ژ باژارێ رەقایێ دەرباسی کۆبانێ دکن، هەر ژ بەر ڤێ یەکێ هەژمارەک هەری زۆرا جوانێن کۆبانێ ڤان مادەیێن هشبەر بکار تینن و ئەڤ پرسگرێک ژ پەکەکێ رە قەت خەم نینە، تشتا ژ پەکەکێ رە گرینگ ب تەنێ ئەو پەرە یە یێ کو ب ڤی ئاوا ب دەست دخە.
ل گۆر ئاگاهیان، جلۆ و کورێن خوە د رۆژا 25/3/2024 دە ب چەند کادرۆیێن دن یێن پەکەکێ رە ل سەر داهاتێ بازرگانیا ماددەیێن هشبەر ب شەر دکەڤن و گولـلەیان بەرددن هەڤ، پشترە ئاساییشا پەیەدێ کورێن جلۆ دەستەسەر کرنە، لێ ت داخویانی د دەربارێ ڤێ بوویەرێ دە نەدانە.
