سزایێ دارڤەکرنا گرتیەکی کوردێ خەلکێ باژارێ کەنگاوەرێ یێ ب ناڤێ ئەفشین باخشیرین هاتە جیبجیکرن. ئەو بەرێ ب سەدەما تۆهمەتا پێوەندیدار ب مادێن هشبەر ب دارڤەکرنێ هاتبوو سزادان.
ل گۆری سازیا مافێ مرۆڤی یا هەنگاوێ، سپێدەها رۆژا شەمی 13ێ نیسانا 2024ان، ئەفشین باخشیرین یێ 39 سالی و خەلکێ باژارێ کەنگاوەرێ یێ سەر ب پارێزگەها کرماشانێ ل گرتیگەها ناڤەندی یا ئورمیێ هاتە دارڤەکرن.
ده‌ستنیشان كر، ئەڤ وەلاتیێ کورد شەش سال بەریا نها ب تۆهمەتا پێوەندیدار ب مادێن هشبەر هاتبوو بنچاڤکرن و ژ ئالیێ دەزگەها دادوەری یا کۆمارا ئیسلامی یا ئیرانێ ڤە ب دارڤەکرنێ هاتبوو سزادان.
هەتا دەما بەلاڤبوونا ڤێ راپۆرێ، نووچەیا دارڤەکرنا ڤی گرتیێ کورد ل مەدیایێن حکوومەتی و ب تایبەتی مەدیایێن نێزی دەزگەها دادوەریێ نەهاتیە بەلاڤکرن.
