دەزگەھا خێرخوازیا بارزانی ل عەفرینێ ژ بۆ ئامادەکرنا ھەژمارەک ژ مامۆستەیێن کوردی، خولەکا فێربوونا خوەندن و نڤیساندنا کوردی ژ دەرچوویێن زانینگەھان رە ڤەکر.
ژ بۆ فێرکرنا خوەندن و نیڤساندنا و ب زمانێ کوردی، دەزگەھا خێرخوازیا بارزانی خولەکا فێرکرنێ ل باژارێ عەفرینێ ڤەکر. د قوناغا یەکەم دە، خوەندەکار و دەرچوویێن زانکۆیان دێ فێری رێزمانا کوردی ببن، د قوناغا دویەمین دە ژی، ئەو کەسێن ھاتنە فێرکرن دێ ل باژار و باژارۆکێن جودایێن عەفرینێ خولێن فێربوونا خوەندن و نڤیساندنێ ڤەکن.
ئەندامێ دەزگەھا خێرخوازیا بارزانی شەڤگەر رەمەدان گۆت: “ئارمانجا مەیا سەرەکە ئەوە، ئەم کۆمەکە مامۆستەیان ئامادە بکن، دا کو بکارن ل ھەموو گوند و باژارۆکێن دن یێن عەفرینێ خولێن فێربوونا خوەندن و نڤیساندنا کوردی ژ خەلکێ رە ڤەکرن.”
ب کریزا سالا 2011 رە، دەرفەتا فێربوونا زمانێ کوردی ل باژارێ عەفرینێ و ھەموو باژارێن دن یێن رۆژئاڤایێ کوردستانێ بەرفرەھتر بوو، لێ دەرباسبوونا چەکدارێن ئۆپۆزسیۆنا سووریەیێ ژ بۆ باژێری د سالا 2018 دە، ئەو یەک راوەستاندبوو.
