یەک ژ بنکەیێن لەشکەریێن ئیرانێ ل کرماشانێ تێ ڤالا کرن
بنکەیەکە لەشکەریێ گرنگ ل رۆژهلاتێ کوردستانێ تێ ڤالا کرن و ل گۆر هن گۆتەگۆتان ژ ترسا ئێریشا ئیسرائیلێ تێ ڤالا کرن.
ل گۆر گرتە ڤیدەیۆیەکی كو ل تۆرا جڤاکی هاتیە بەلاڤ کرن، بنکەیێ هوانیروز، کو بنکەیەکی بالەفری یێ هێزێن بەژایی یا ئارتێشا ئیرانێ یە و ل کرماشانا رۆژهلاتێ کوردستانێ یە، تێ ڤالا کرن.
د گرتە ڤیدەیۆیێ دە کەسەک بەحسا وێ یەکە دکە کو ئەڤ بنکەیەیێ ئارتێشا ئیرانێ یە کو ل کرماشانێ یە و ژ ترسا ئێریشا ئیسرائیلێ تێ ڤالا کرن و د وێ دەمێ دە ژی هەلیکۆپتەر رابوویە و زێدەتر ژ 100 هەلیکۆپتەران ل زەڤیێن نێزیک وی بنکەیی دانینە.
ئەو گرتە ڤیدیۆی ئیرۆ 20/04/2024ێ بەلاڤ بوو، لێ کۆمەلەیا مافێ مرۆڤان یا هەنگاو راگەهاند ئەو ئۆپەراسیۆن رۆژا پێنجشەما بۆری دەستپێکریە و بنکە نێزیک راوەستگەها بێستوونا پارێزگەها کرماشانێ یە.
