وەک تێ زانین، حکوومەتا ئاکەپێ ژ بۆ کو شارەداریا شەرنەخێ ب دەست بخە، ب ھەزاران پۆلیس و لەشکر ژ باژارێن دن ئانیبوون شەرنەخێ و ئەو بربوون سەر سندۆقان. کوردێ ب ناڤێ سولەیمان سالگوجاک (61 سالی) یەکۆ یەکۆ ژ پۆلیسان دپرسی و دگۆت ” Konuş, Sen Nêrelîsin– باخڤە، تو ژ کویی؟”
گۆتنێن خالێ سولەیمان د مەدیا جڤاکی دە دەنگ دا و ناڤدار بوو. ژ بەر گۆتنێن سولەیمان سالگوجاک، سەردۆزگەریا شەرنەخێ دۆز لێ ڤەکر و لێپرسین دا دەستپێکرن.
د ڤێ دەربارێ دە پارێزەر رەمەزان دەمیر ل سەر حەسابا خوە یا مەدیا جڤاکی گۆت: “سەردۆزگەریا شەرنەخێ ژ بەر گۆتنا “باخڤە، تو ژ کویی” د دەربارێ ئاپێ سلێمان دە ب ھنجەتا “قانوونا ھلبژارتنێ بنپێ کریە” لێپرسین دایە دەستپێکرن.
دخویە کو دەستھلاتداریا ترکیێ دەست ژ کریارێن خوە و ژ دژمناتیا کوردان بەرنادە و ب تێکچوونا خوە یا 31 ئادارێ دێ کوردان دیسا تێرا خوە بپەرچقینە.
