پۆلیسێن بەلچیکایێ دو کانالێن پەکەکێ گرتن
شەڤا دوشەمبێ 23ێ نیسانا 2024ێ، پۆلیسێن بەلچیکایێ ئاڤێتن سەر بارەگەھێن دو کانالێن پەکەکێ و دەست دانین سەر ئالاڤێن وان و وەشانا وان راوەستاندن.
ل گۆری ئاگاھیان، پۆلیسێن بەلچیکایێ ئاڤێتن سەر بارەگەھێن ستێرک تیڤی و مەدیا خەبەر و دەست دانین سەر ئالاڤێن تەکنیکی یێن وان و وەشانا وان راوەستاندن.
مەدیایا سەر ب پەکەکێ ڤە راگھاند کو پۆلیسێن بەلچیکایێ دەستێن پاسەوانێن ڤان کانالان گرێدانە و پشترە کەتنە ستودیۆیێ و پۆلیس ب قاسی 4 دەمژمێران د ھوندرێ کانالێ دە مانە و دەست دانینە سەر گەلەک ئالاڤێن کانالێ.
ستێرک تی ڤی و مەدیا خەبەر دو کانالێن گرێدایی پارتیا کارکەرێن کوردستانێ (پەکەکێ) نە کو ل ئەورۆپایێ وەشانێ دکن.
پەکەکێ د ڤان سالێن داوی دە ل ئەورۆپایێ گەلەک کانالێن خوە ھەبوون، ل سەر گلیێن ترکیێ و بنپێکرنا پرەنسیبێن رۆژنامەڤانیێ، ڤان وەلاتان چەندین جاران ئەڤ کانالە گرتنە و جارا داوی شەڤا بۆری پۆلیسێن بەلچیکایێ دو کانالێن پەکەکێ گرتن.
