ب بۆنەیا سالڤەگەرا 126ێ یا رۆژا رۆژنەمەگەریا کوردی، رێخستنا پەدەکە-سێ ل عەفرینێ، چالاکیەک ئەنجامدا. د چالاکیێ دە، بەحسا رۆژنەمەیا کوردستان و رۆلا وێ و زەحمەتیێن ل پێش رۆژنامەگەریا کوردی ھاتە کرن.
پارتیا دەمۆکراتا کوردستانێ – سووریە (پەدەکە-سە)، سالڤەگەرا 126 یا بەلاڤبوونا یەکەمین رۆژنامەیا کوردی، ل باژارێ عەفرینێ ب چالاکیەکێ ببیر ئانی. نوونەر و ئالیگرێن ئەنەکەسێ، رۆژنەمەڤان و رەوشەنبیرێن باژارێ عەفرینێ بەشداری چالاکیا پەدەکە-سێ بوون.
د چالاکیێ دە ژ ئالیێ ئەندامێن پەدەکە-سێ، گۆتار ھاتن خوەندن و د وان گۆتاران دە ئاماژە ب گرنگیا رۆژنەمەگەریا کوردی، رۆلا وێ و زەحمەتیێن ل پێش رۆژنامەگەریا کوردی ھاتە کرن.
ھەروھا ھەژمارەک کۆمێن فۆلکلۆری یێن کوردی بەشدار بوون، سەما و لیستکێن خوە پێشکێش کرن و گۆڤەند و دیلانێن کوردی گەراندن.
ل رۆژئاڤایێ کوردستانێ سالانە د 22 نیسانێ دە، رۆژا رۆژنەمەگەریا کوردی ژ ئالیێن پارتیێن سیاسی، سازی و رێخستنێن چاندی و رۆژنەمەڤانان ڤە تێ ببیرئانین و ھن چالاکی ب ڤێ بۆنەیێ تێنە لدارخستن.
