پارتیا وەلاتپارێزێن کوردستانێ: ئەم جینۆسایدا کو ل ئەرمەنییان ھاتییە کرن روورەش دکن! 

پارتیا وەلاتپارێزێن کوردستانێ PWK ل سەر سالڤەگەرا 109ێ یا کۆمکوژیا گەلێ ئەرمەنی داخویانیەکا نڤیسکی دا و ئەو کۆمکوژی شەرمەزار کر.

د داخویانیا نڤیسکی یا PWK دە بال ل سەر کۆمکوژیا گەلێ ئەرمەنی یا د سالا 1915 دە ھات کشاندن و ھات ئاماژەکرن کو د ڤێ کۆمکوژیێ دە نێزیکی 1.5 ملیۆن مرۆڤ ھاتنە کوشتن.

داخویانیا PWK ب ڤی ئاوا یە:

دەولەتا عۆسمانی “رێڤەبەرییا ئیتیحاد و تەرەقی” د سالا 1915 دە نێزکی 1.5 ملیۆن ئەرمەنی ب ئاوایەکی پلانکری قەتل کرن.

جینۆسایدا ئەرمەنییان یەک ژ جینۆسایدێن مەزن یێن جیھانێیە.

جینۆسایدا ئەرمەنییان قرکرنا ملەتەکییە و ب دەستێ دەولەتا عۆسمانی “رێڤەبەرییا ئیتیحاد و تەرەقی” ڤە ھاتیە کرن.

ئەم د 109ەمین سالڤەگەرا جینۆسایدا ئەرمەنییان دە جارەکە دن دەولەتا عۆسمانی “رێڤەبەرییا ئیتیحاد و تەرەقی”  و ھەموو ئالیکارێن وان ب توندی روورەش دکن. ئەم شریکێ ئێش و خەما گەلێ ئەرمەنی نە.

24/4/2024

نڤێسینگەها راگەھاندنێ یا پارتییا وەلاتپارێزێن کوردستانێ (PWK)