پرانیا جاران ئەو ئالی یان ژی کەسێن دەزەنفارماسیۆنا “ئاگاهیێن نە راست یێن کو دهێن پارڤەکرن داکو مرۆڤ پێ بێت خاپاندن یان وەک پرۆپاگاندا بێت بکارئانین” وەک ئەرکەکێ بەلاڤ دکن و ل سەر دەرەو و نووچەیێن نەراست شرۆڤەیان دکن و ھەول ددن راستیا خوە ڤەشێرن دکارن باندۆرێ ل ھندەک کەسێن کو باوەریا وان نە قەوی بە یان ژی نزانن چ دەمی چ بپارێزن دکن.
گەلەک جاران دیمەنەک، وێنەیەک دکارە راستیا مرۆڤی دەرێخە ھۆلێ. دەما سەردانا سەرۆککۆمارێ ترکیێ ئەردۆگان بۆ ھەولێرێ ژ بۆ دالقاندنا ئالایێ ترکیێ، پەکەکێ و ئالیگرێن وێ دەست ب پرۆپاگاندەیان کرن کو،”چەوا ئالایێ ترکیێ ل ھەولێرێ بێ دالقاندن”. ھندەک ئالیگر و پارێزەرێن سیاسەتا پەدەکێ ھەتا ھندەک ئەندامێن پەدەکێ ب خوە ژی د مەدیا جڤاکی دە د بن باندۆرا دەزەنفارماسیۆنێن ئالیگرێن پەکەکێ دە مان و ئەڤ یەک رەخنە کرن.
وەک تێ زانین ژ بەری نھا دەما شارەدارێن دەم پارتیێ ل دیاربەکر و مێردینێ دەست ب کار بووین، ژ بۆ تەنێ جھی ئالایێ ترکیێ د ئۆفسێن خوە دە گوھەرتن یان ژی ل گۆرا کو، ھاتیە ئیدیعاکرن سروودا ترکی نەخوەندن، د دەربارێ وان دە لێکۆلینەکی دەستپێکر.
شارەداریا دیاربەکر دا خویاکرن کو، وان تەنێ جھێ ئالای گوھەرتیە و سروودا نەتەوی یا ترکیێ ژی خوەندنە. شارەدارێ مێردینێ ئەحمەد تورک ژی گۆت: ئالایێ ترکیێ و سروودا نەتەوی یا ترکیێ نرخێن مە یێن ھەڤپارن.
نھا ژی ب مناسەبەتا 23یێ نیسانێ، جەژنا نەتەوی یا زارۆکێن ترکیێ، شارەداریا دیاربەکرێ وێنەیێ ئەتاتورک و ئالایێ ترکیێ ل سەر ئاڤاھیێ شەرەداریێ دالقاندن.
ھەرکەسێ کو، ب ڤی وێنەیی تێک نەچووی و ھەستێن خوە دیار نەکرین و دالقاندنا ئالایێ ترکیێ ل ھەولێرێ رەخنە کرین،بلا ژ کەسایەتا خوە شکێ بکن. ئەڤیندارێن کەمالیزمێ چ جاران نکارن نرخ و سەمبۆلێن نەتەوی یێن کوردان بپارێزن.
